السلام عليكم .
اليوم جيت نوريلكم طريقة تحظير تارتولات الفريز بكريمة وردية سريعة التحضير مجربة و ناجحة ، الطريقة بسيطة و سهلة و كل المقادير مذكورة اسفل الصورة التالية .
المقادير و طريقة التحظير :
نخلط 125 غرام زبدة طريقة + مغرف صغيرة فانيلا + نصف كأس سكرا عادي + 1 بيضة و نخلطهم مليح و نزيد الفرينة حتى نتحصل على عجينة طريقة و ما تلصقش و نبدأ نحط في المول انتاع التارتولات و نثقبهم بالفرشيطة و ندخلهم الفرن سخون على درجة 170° كي يحمارو خرجيهم .
بالنسبة لكريمة : نخلط 4 مغارف كبار سكر + مغرف صغيرة فانيلا + 2 مغارف كبار مايزينة + بيضة و نصف لتر حليب نيزدوا غير بالشوية و نخلطة بالفوي Fouet حتى ينساجمو المقادير كامل و نزيد مغرف صغيرة عطر الفريز Arome لي تصيبيه عن لي يبيع دوزان الحلوة و نخلط و نحطو فوق نار قليلة و نبقى نخلط حتى تعقد مليح و نطفي عليها و ندير فوقها مغرف كبيرة انتاع مارغرين طريقة و نخلط حتى تذوب كامل و نحطها في طبسي و نغطيها بورق شفاف لازم يقيس سطح الكريمة بش ما ديرش ليكروت Croutes و نحطها في الثلاجة تبرد تماما و مبعد نخرجها و نخلطها بالباتور و نحكم لاجولي و نسخنها شوية و نحط فيها مغرف صغيرة عطر الفريز و نخلط و نحكم التارتولات و نعبيهم بالكريمة و نحط فوقهم حبة فريز لي كنتي نحيتيلها الفوقاني انتاعها و قطعتيها اطراف باش تشكلي مروحة و حطيها فوق الكريمة و ادهنيهم بالبانسو بـ لاجولي .
شهية طيبة
تارتولات الفريز في المنزل ؟ نغتنم الفرصة و نحضروها روعة و بزاف بنينة ، و كيما راكم تشوفو الاَن بعض الصور لتحظير التارتولات باش نشجعكم على تحظير التارتولات في مراحل سهلة تلقاوها اسفل هذا الفيديو :
و الاَن سيدتي ما بقا عليك غير تقدمي التارتولات لعائلتك و تخبرينا على مدى نجاح وصفات ام وليد oum walid .
إرسال تعليق