السلام عليكم .
اليوم جيت نوريلكم طريقة تحظير كيكة الماء و الشوكولا الرائعة سريعة التحضير مجربة و ناجحة ، الطريقة بسيطة و سهلة و كل المقادير مذكورة اسفل الصورة التالية .
المقادير و طريقة التحظير :
نبدأ نشعل الفرن على درجة 180° و ندهن المول بالزيت و نغبروه بشوية فرينة .
كاسرونة نخلط كأس سكر عادي + كأس زيت + كأس ماء + نصف كأس كاكو بني و نحطهم تحت النار و نخلط حتى يذوب السكر غير يبدأ يغلي و ديير الفقعات نطفي عليه و نحي منو قيس كأس و الباقي نخلط معاه 2 كيسان فرينة و نخلط مليح و نزيد 3 بيض تدريجيا يعيني ديري البيضة الأولى و تخلطي مليح و مبعد زيدي الثانية و تخلطي و مبعد الثالثة و نكمل نخلط مليح و نغربل فوقهم 2 كيس انتاع الخميرة الحلوى و نخلط و نحط الخليط في المول عن طريق رفع الكاسرونة إلى الأعلى و ينزل الخليط من الاعلى إلى الأسفل بش يدخل فيه الهواء و هذا هو سر نجاحها ، وندخلو الفرن سخون غير يشيح نحيه يعني كي دخلي الموس تلقايه ناشف كي تخرجيها اثقبيها كامل بالمس و احكمي نصف الخليط لي خليتيه و حطيه فوقها و خليها تبرد مليح و مبعد زيدي النصف الاَخر و زينيها كيما تحبي ، مثلا أنا حطيت فوقها الشامية 'حلوة الترك' .
شهية طيبة.
كيكة الماء في المنزل ؟ نغتنم الفرصة و نحضروها روعة و بزاف بنينة ، و كيما راكم تشوفو الاَن بعض الصور لتحظير كيكة الماء باش نشجعكم على تحظير كيكة الماء في مراحل سهلة تلقاوها اسفل هذا الفيديو :
و الاَن سيدتي ما بقا عليك غير تقدمي كيكة الماء لعائلتك و تخبرينا على مدى نجاح وصفات ام وليد oum walid .
إرسال تعليق