السلام عليكم .
اليوم جيت نوريلكم طريقة تحظير العسل 'العسيلة' في المنزل مجربة و ناجحة ، الطريقة بسيطة و سهلة و كل المقادير مذكورة اسفل الصورة التالية .
المقادير و طريقة التحظير :
نحتاز زوج كاسرونات ، نحطو في الكسرونة الاولى كأس سكر و نزيد في الكاسرونة الثانية كأس سكر ، و الكاسرونة الاولى لي يلزم تكون ثقليه نعصر عليها نص حبة قارص (ليمون) نشعل عليها نار قليل و نخلي السكر يولي كاراميل ، والكاسرونة الثانية نزيد فيها كأس ماء و نشعل عليها النار و نخليها تغلي .
مبعد نفرغ محتوى كاسرونة لي فيها الماء فوق كاسرونة لي فيها الكارميل و غير بلعقل سيدتي مبعد نبدا نخلط حتى يذوب كامل الكارميل في السيرو لي خدمناه ، و نخليه يغلي لمدة 5 دقائق فوق نار قليلة حتى يذوب مليح و يولي ثقيل و ابقاي تخلطي ، بعدها خرجيها و ديريها في علبة .
شهية طيبة.
العسل في المنزل ؟ نغتنم الفرصة و نحضروها روعة و بزاف بنينة ، و كيما راكم تشوفو الاَن بعض الصور لتحظير العسل باش نشجعكم على تحظير العسل في مراحل سهلة تلقاوها اسفل هذا الفيديو :
و الاَن سيدتي ما بقا عليك غير تقدمي العسل لعائلتك و تخبرينا على مدى نجاح وصفات ام وليد oum walid .
إرسال تعليق